Lea-Artibai eta Mutriku

Urtean zehar landutako gaiaren emaitzak ikusgai daude eskolako harrera gunean. Munduan zehar bildutako objektuak, argazkiak eta Txikito Bolibarren pilotari jantzia eta zesta.

Ameriketan artzain ibilitako Felix Astorkia tranpaz harrapatutako hartzaren ondoan ikus daiteke edo ardiak banatzen bere lantaldearekin baita aizkoraz egurra ebakitzen ere. Australian kanabera ebakitzen ateratako argazkia ere badago, baita Galiziatik inmigratutako familiaren argazkia ere eta nola ez, eskolako leihatilara hurbildu diren etorkinen aurpegiak ere bildu ditu kamarak baita kalean ikusitakoenak ere, horrela, pixkanaka-pixkanaka argazki multzoa osatu da.
Argazkiez gain, arropak, musika instrumentuak eta Australiako mapak ere badaude. Bi maniki ere badaude jantzita, bata Txikito Bolibarrek utzitako pilotari arropekin eta bestea emakumea Magrebeko jantziarekin emigrazioa eta inmigrazioaren irudi dira.
Erakusketan ezin dira bildu urtean zehar egindako lan guztiak eta ikasleek egindako lanak kaleratzeko erakusketa birtuala jarriko dugu martxan gure web orrian http://batxilergoa.leartik.com. Bertan irakur daitezke ikasleek egindako elkarrizketak, eurak egindako hausnarketak edo emigrazioa zein inmigrazioaren inguruan idatzitako ipuinak.
Gizartean geuri ematen diguna geuk ere gizarteari itzuli nahi diogu aurten emigrazioa-inmigrazioaren inguruan egin dugun lana

Erakusketa aste guztian egongo da ikusgai goizeko zortzietatik iluntzeko bederatziak arte, eskolako sarrera nagusian.