Edukira joan

Lea-Artibai eta Mutriku

Berriatua
2008ko uztailak 6, Domeka

Azken ordukoak

Txotxaren deiadarragaz aurrera

2008-05-10 | 19:38:44

Txotxaren deiadarragaz aurrera

Herenegungo erromeriaz betean gozatu arren, atzokoan parrandarako gogorik ez zaie faltatu bazkaritara bildu diren berriatuarrei.

Herriko jaiei bete-betean erantzuten ari dira berriatuarrak. Barikua, gainera, herrikoen neurrira egindako eguna, eta batez ere, gaua izan zen. Eta atzokoan, ajeari pultsoa eutsiz, bazkaritarako bildu ziren.

Ez du erantzunik

2008-05-10 | 14:25:27

San Gregorioak indarrez darraite

Lagun asko batu ziren atzo gauean Berriatuko plazan Gazte Asanbladak antolatutako play back txapelketa ikusteko asmoz. Ez du erantzunik

2008-05-09 | 16:06:31

Eskualdeko jendeak bat egin du festa eremuan

San Gregorio Eguna dela igarria da, gaur, Berriatuan.

Ez du erantzunik

XX. San Gregorio Sariaren finalak ailegatu dira

2008-05-08 | 14:53:35

XX. San Gregorio Sariaren finalak ailegatu dira

Zestak hartuko du Mendibarren domekan, 16:30etik aurrera

San Gregorio Saria bere azkenak ematen dago. Final handiak jokoan, Mendibarren pilotalekua zesta-puntaz jantziko da domekan. «Ez galtzeko neurketak» 16:30ean hasiko dira. Kadeteek, gazteek eta elite mailakoek hartuko dute kantxa, batak bestearen atzetik, minutu zirraragarrietan. Tolosako bikotea izango dute Paredesek eta Ugartetxeak aurrez aurre, kadeteetan. Gazte mailan Berriatuko Zesta Eskolan geratuko da txapela. Mikelek eta Elkoro I.ak Beide eta Arizagaren aurrean neurtuko dituzte indarrak. Elite mailak ere herrikoak dakartza kantxara, final handian. Zein baino zein ariko dira Aimarrek eta Atxak osatutako bikotea, Alberdi eta Bilbao I.aren kontra.

Ez du erantzunik

2008-05-08 | 10:25:33

Biztanleko hiru euroko diru laguntza emango dio Udalak HITZAri

Horrez gain, 902 820 201 telefonora deitzen duten lehen hamar herritarrek doan jasoko dute egunkaria urtebetean

Berriatuko Udalak eta Lea-Artibai eta Mutrikuko Hitzak hitzarmena sinatu dute. Hitzaren zuzendari Irati Urberuagak, Hitzaren kudeatzaile Eli Arostegik eta herriko alkate Imanol Mugartegik orain dela gutxi eman dute horren berri. Adostutako hitzarmenari esker, biztanleko hiru euroko diru laguntza emango dio Udalak Lea-Artibai eta Mutrikuko egunkariari, eta harpidedun egiten diren lehenengo hamar herritarrek doan jasoko dute euren etxeetan Hitza urtebetean.

Ez du erantzunik

KAXERO GAUPASEROGAZ AILEGATU DA JAIA

2008-05-03 | 17:38:38

KAXERO GAUPASEROGAZ AILEGATU DA JAIA

Goizeko ordu handietatik txikietara jendez gainezka egon da plaza, jaien hasiera denaren seinale.

Txalaparta hotsak hartu du plaza. 12:30ak pasatxo dira, eta Kaxero Gaupasero eta Imanol Mugartegi alkatea ageri dira udaletxeko balkoian. Plaza beteta dago. Pintxoen eta sagardoaren epelean, adi daude azokara batutakoak balkoitik zer esango. Sangregorioetan estreinako, alkateak berba batzuk esango ditu, «jaiei zer edo zer berria emateko». Ondo pasa, baina ez pasa esaldiak txaloei egin die tartea. Gero, txupina bota du. San Gregorioak hasi dira. Txaranga doinuak. «Ondo pasatzeko eta guztiak ondo irteteko gogoz» dagoela aitortzen du balkoia atzean lagata alkateak, «oraingoz ondo doa, eta ondo jarrai dezala» esanda. Kaxero Gaupaserok balkoian darrai. Udaletxe azpian gero eta jende gehiago dago. 15:00ak. Azoka itxita dago. Orain, gurpilek hartu dute duela ordubetera arte oinezkoen gunea izandakoa. 15:30ak dira. 27. Afizionatu mailako Txirrindulari Lasterketa bidean da. Guztira, 156 txirrindularik ekin diote bideari, eta antolatzaileek aitatu dutenez, erdiek-edo gurutzatuko dute helmuga, halako beroagaz.

Erantzun 1

Etxebizitza eskubidea defendatzeko taldea sortu da, Habixi

2008-04-30 | 12:36:03

Etxebizitza eskubidea defendatzeko taldea sortu da, Habixi

Bihar etxebizitza egoeraren erantzuleak markatzeko deialdia egin du taldeak.

Berriatuko Gazte Asanbladak (B.G.A.)etxebizitza eskubidearen aldeko taldea sortu du: Habixi. Taldeak, beste herri eredu bat lortzeko etxebizitza politika berriztatu beharra dagoela azpimarratu nahi izan du sortu bezain pronto. Horrela, Berriatuko Udalari bere lehen eskakizuna egin dio: herritarren parte hartzeagaz, herriko egoera islatuko duen azterketa bat egitea.

Ez du erantzunik

2008-04-29 | 12:10:26

'Jai egun alternatiboagaz' hasiko dira Berriatuko jaiak, barikuan

Zapatuan azoka eta Kaxero Gaupaseroren jaitsiera daude

Barikuko 'jai egun alternatiboagaz' hasiko dira aurtengo sangregorioak, barikuan. Zapatuan, X. Nekazal eta Arrain Kontserba Azokak dirauen bitartean, Kaxero Gaupaseroren jaitsierak emango die segida maiatzaren 17ra arte luzatuko diren jaiei.

Ez du erantzunik

© 11barri S.L. - Xemein etorbidea 19, 48270 - MARKINA-XEMEIN - Tel.: 946168202
Faxa: 946168219 - E-posta:

Internet Ehuntzen S.L.-k garatua

11barri S.L.ko kideak:
Bertako Hedabideak (EKT)
eta 11barri S.L.: 63 gizarte eragile.